Psalms 121
Same 121
1Matau ya lihin oya elal.O labe ga i nenem?
2O labe i noem Yehoba elana,
iya labulabum ge panayawi ali toginol.
3Iya aem ni matahikan bahi nu sosogu,
toto i matahikagiwa nige ni kekenu.
4Ibwe, toto Isileli i matahikagil,
matana i silawa, nige ni kekenu.
5Yehoba ni matahikagiwa,
i minaa labem awomwa ge ni paligumwiwa.
6Inoke lana sabwelu nige ni lololiwa,
i ola al bulina weikena nige ni lololiwa.
7Yehoba ni kausiwa nak gegewena elal,
yawalim ni matahikan.
8Yehoba wam nawanawa gegewena ni matahikan,
sauga ya ge sauga gegewena.
Copyright information for
MPX